CAGAYAN DE ORO CITY-Gilauman nga modagsa ang doble nga ihap sa mga turista nga mohimo’g pagsuroy sa tourist destinations sa lalawigan sa Misamis Oriental.
Kini human milampos ang ika-19 nga convention sa Association of Tourism Officers of the Philippines o ATOP sulod sa tulo ka adlaw ning syudad.
Miingon si Misamis Oriental Provincial Tourism Dept head Atty Jeffrey Saclot nga nahimo kining posible tungod sa pursigido nga tinguha ni Gov Bambi Emano nga mapalig-on ang turismo sa lalawigan.
Gitambungan sa dul-ag libo ka delegado gikan sa 17 ka rehiyon ang kalihukan sa Luxe Hotel sa syudad.
Nasayran nga naporma ang ATOP mismo sa inisyatiba ni late Department of Tourism regional director Catalino ‘Butch’ Chan diin unang gihimo ang convention sa syudad niadtong Oktubre 4,2001.
