CAGAYAN DE ORO CITY-Paghatag sa bastanteng suplay sa panubig ug paghipos sa mga basura ang kabahin sa hataga’g prioridad sa bag-ong napili nga mayor sa lungsod sa Tagoloan,Misamis Oriental.
Kini human proklamado sa Comelec si Brgy Kapitan Enan Sabio isip bag-ong mayor dihang gipildi niini si Tagoloan Mayor Manok Emano.
Miingon si Sabio nga gikinahanglan niini ang pag-abag sa iyang mga kauban sa munisipyo ug sa katawhan aron makab-ot ang kasulbaran sa maong mga suliran sa ilang lungsod.
Si Sabio ang nakuha sa boto nga 16-mil 816 batok Emano nga dunay 15-mil 961 boto.
Ang lungsod sa Tagoloan ang naila nga balwarte sa politika sa mga Emano sulod sa 20 ka tuig ning lalawigan.
Samtang sa pikas bahin,pagsulbad sa kakulangon sa panubig sa kabarangayan,panarbaho ug housing program ang tutukan ni Engr Redentor Jardin sa lungsod sa Jasaan,Misamis Oriental.
Kini human gipili sa 15-mil 082 ka botante si Jardin aron subli mahimong mayor batok kang Mayor Julius Pagaspas nga nagbaton usab sa 14-mil 600 botos sa miaging piliay sa ilang lungsod.
Miingon si Jardin nga kuyog ang iyang bise-mayor,sugdan nila ang pagtubag sa maong mga suliran nga giyangun-ngo sa katawhan ilang lungsod.
