CAGAYAN DE ORO CITY- Prioridad ni Balingasag Mayor elect Vice Mayor Atty Alexis Quina ang paglimpyo batok sa presensya sa ilegal nga droga sa ilang lungsod.
Kini gawas sa paghatag sa prioridad sa katukuran sa dugang proyektong imprastraktura sa maong lungsod.
Gihimo ni Quina ang pahayag human kini i-proklamar sa municipal board of canvassers nga mananaug batok kang Balingasag Mayor Marieta Abogado.
Si Quina ang nagbaton sa boto nga 18,318 batok Abogado nga nakakuha usab sa 16,466 votes sa miagig nga eleksyon.
Nahimong init ang bangi sa duha ka kanhi magka-alyado sa politika ilabina sa kamatayon ni Napaliran Barangay Kapitan Claver Miral diin nag-isig-akusar nga usa kanila ang utok sa kremin.
Apan giklaro kini sa PNP nga walay kalabutan ang politika sa kamatayon ni Miral niadtong Abril ning tuiga.
