CAGAYAN DE ORO CITY – Gikasuhan sa administratibo sa bise-mayor si Opol Mayor Max Seno ug ang mayoriya sa sangguniang bayan sa Sangguniang Panlalawigan sa Misamis Oriental.
Kini human nagtoo si Opol Vice Mayor Louie Neri nga gihukasan siya sa iyang trabaho nga maka-disiplina batok sa makasala nga empleyado sa sangguniang bayan.
Gibutyag ni Neri nga dili makiangayon ang gihimo sa grupo ni Seno nga ipiton si SB secretary Edward Yasay nga kauban sa pag-upload sa facebook sa iyang pagpasabot kabahin sa COVID-19 funds kay tuyo lamang nila masayod ang katawhan.
Una nang gisulti ni Neri nga dunay 30 milyones pesos nga pondo ang munisipyo nga nga magamit sa krisis epekto sa pandemya.
Samtang namulitika ug tuyo lamang ni Vice Mayor Louie Neri nga masuspenso si Opol Mayor Max Seno aron kini ang makapuli sa katungdanan.
Kini ang tipik sa pagtoo ug akusasyon ni Seno kon nganong gikasuhan sila ni Neri sa administratibo o pag-abusar sa katungdanan sa Sangguniang Panlalawigan.
Miingon si Seno nga dakong kasupakan sa balaod ang gihimo nila ni Neri ug SB secretary Edward Yasay rason nga angay lamang mohimo’g aksyon ang mayoriyang mga konsehal nga iyang gisuportahan.
Dugtong niini,mosangk-at usab sa mga kaso kampo ni Opol Mayor Max Seno ug mga konsehal batok sa grupo ni Vice Mayor Louie Neri.
Kini human mibati’g kaulawon ang maong mga opisyales sa gihimong social media post ni Neri ug sa sa secretary sa Sangguniang Bayan sa maong lungsod.
Miingon si Seno nga kabahin sa ilang ikaso ang libelo batok kang Neri ug SB secretary Edward Yasay.
Una niini,naamugos si Neri nga interes sa katawhan ang motibasyon niini sa pagdusog kaso batok sa grupo ni Seno.
Sa pagkakaron,wala pa’y gilugwa nga dokumento ang SP-Misamis Oriental kabahin sa ilang pag-imbestigar sa maong kaso.
