CAGAYAN DE ORO CITY -Nakahikling sa mas luwas nga lugar ang pipila ka pamilya nga apektado sa pagbaha nga miigo sa sobra napulo ka barangay sa lungsod sa Medina,Misamis Oriental.
Gibutyag ni Medina Mayor Donato Chan nga dunay pagsaka sa tubig-baha epekto sa kusog nga mga pag-ulan sa pipila ka suba hinungdan sa pagbakwit una sa pipila ka pamilya.
Kabahin sa apektado sa baha ang kabarangayan sa Cabug,North Poblacion,Tambagan,Duka,Portulin,Bulwa,Tup-on,Maanas ug uban pa.
Hinoon,walay natala nga damyos ang maong pagbaha ug nakabalik ra usab ang mga nahikling nga mga pamilya sa ilang tagsa-tagsa ka pinuy-anan.
Dumduman nga miagi usab nga Enero,naigo gihapon sa pagbaha ang maong lungsod nga nagresulta sa pagbakwit sa ubay-ubay’ng pamilya.
