CAGAYAN DE ORO CITY – Nag-una ang probinsya sa Misamis Oriental nga gilakipan sa Cagayan de Oro City nga nagbaton sa taas nga bag-ong kaso sa Human Immunodeficiency Virus-Acquired Immunodeficiency Syndrome (HIV-AIDS) sa Northern Mindanao region ning tuiga.
Kini subay sa gilugwa nga datos gikan sa Department of Health -10 sa ilang pakighimamat sa local media pinaagi sa Philippine Information Agency- Northern Mindanao.
Namahayag si Dra Wellaflor Kindom-Brito nga sa 143 nga bag-ong kompirmadong kaso sa maong sakit,anaa sa 67 ang gihuptan sa MisOr-CdeO area.
Gisundan kini sa Bukidnon sa ilang 43 ka bag-ong kaso;19 sa Lanao del Norte;12 sa Misamis Occidental ug duha sa Camiguin sulod sa counting period nga Enero hangtod Abril ning tuiga.
Namahayag si Brito nga pabiling nag-una nga rason sa paspas nga pagkaylap sa maong sakit ang lalaki sa lalaki nga dili luwas nga panaghilawas.
Kini tungod kay sukwahi sa babaye’g lalaki nga kalihukang sekswual nga dunay natural lubrication, dako’g kalain ang anal penatration kay makahimo’g mga samad rason nga dali masudlan sa bayrus hinungdan sa pagsilbing HIV infected.
”Now during anal intercourse, unlike the vagina, it has natural lubricant, the sexual intercourse will be smooth. But when we talk about anal intercourse,there is no natural lubricant that comes from anals. When they do sexual intercourse, there might be skin laceration and that will be come the point of an entry to the bloodstream of the body.So that’s why it’s more common for the male to male intercouse.”
Sukad nakasulod sa Pilipinas ang HIV-AIDS sa tuig 1991,nakatala na ang Northern Mindanao sa positibong kaso niini sa 3-mil 429 diin gilangkuban sa 687 sa Bukidnon;40 sa Camiguin;556 sa Lanao del Norte; 264 sa Misamis Occidental ug mil-882 sa Misamis Oriental nga naglakip sa Cagayan de Oro.
Sa sobra 3-mil 429 usab ka positibong kaso sa rehiyon sukad tuig 1991, dul-an 100 ka HIV-AIDS infected victims na ang kompirmadong nangamatay.
