CAGAYAN DE ORO CITY – Nagpadala’g sulat si Misamis Oriental Vice Governor Jigjag Pelaez ngadto kang Gov Bambi Emano aron paghangyo nga undangon na ang pagpamulitika sa lalawigan.
Gibutyag ni Pelaez nga kinahanglan tumanon na lamang kon unsa ang nalatid sa balaod ug dili i-hostage ang katawhan gumikan lamang sa bangi sa politika.
Dili makalihok ang kapitolyo kay gibarugan nila nga sundon ang temporary restraining order sa korte sa sobra 3 bilyon pesos nga pondo ning lalawigan.
Samtang gihimakak si Emano nga gisakyan nila ang epekto sa temporary restraing order o TRO nga gilugwa sa korte aron dili una magamit ang 2020 budget sa lalawigan.
Kini sukwahi sa giakusar sa kampo sa oposisyon sa Sangguniang Panlalawigan nga mihimo lamang sa pag-drama ang probinsya aron ipatoo nga dili magamit ang 2019 budget.
Namahayag ang gobernador nga kon dunay naglisod-lisod sa katawhan,kini walay lain ang grupo ni Vice Gov Jigjag Pelaez.
