CAGAYAN DE ORO CITY-Giwad-a’g chairmanhip sa pipila ka importanteng mga komitiba si Vice Gov Joey Pelaez sulod sa Sangguniang Panlalawigan o SP atol sa ilang init nga regular session.
Kini human nagduso’g resolusyon si SP board member Frederick Kho nga bag-uhon ang mga mangulo sa lain-laing komitiba bisan unom ka bulan na lamang sila sa ilang mga puwesto ayha mag-midterm elections sa tuig 2019.
Miingon si Pelaez nga wala siya mahangol sa bisan unsa nga komitiba kay nagpabilin ang iyang pagka-bise gobernador sa lalawigan.
Kabahin sa gihuptan ni Pelaez nga komitiba ang sa edukasyon.
Samtang gipanalipdan ni SP board member President Elipe kon nganong dunay paglahugay sa chairmanship sa mga komitiba sa Sangguniang Panlalawigan sa Misamis Oriental.
Miingon si Elipe nga gihimo kini sa SP aron dunay kabag-uhan diin kabahin siya sa magbaton na sa hawiran nga komitiba.
Miingon si Elipe nga nagkauyon ra ang naglangkob sa SP apan nagdumili na usab si Pelaez pagdawat sa bisan unsa nga komitiba samtang may unom ka bulan pa sila nga nabilin sa ilang mga trabaho ayha ang midterm elections.
