CAGAYAN DE ORO CITY – Gitratar ni Misamis Oriental Provincial Election Supervisor Atty Carlito Ravelo nga taas ang political rivalry tali sa pagka-gobernador sa lalawigan sa May 9 elections.
Kini tungod kay pulos bag-o ang mga kandidato nga gusto magpapili nunot sa paghupas sa termino ni incumbent Provincial Gov Bambi Emano kinsa nagtinguha pagdagan usab sa pagka-kongresista sa segundo distrito sa lalawigan.
Miingon si Ravelo nga nagsilbi nga ‘zonalibre’ ang pagka-gobernador apan dili matago nga pulos nagbaton sa kaugalingong lig-ong puwersa sila si incumbent City Mayor Oscar Moreno,incumbent Gingoog City Vice Mayor Peter Unabia ug last termer 2nd District Congresswoman Juliette Uy.
Samtang ipatawag sa Commission on Elections 10 ang nagkadaiyang kadagkuan sa militar ug kapolisan alayon sa preparasyon sa 2022 elections dinhi sa rehiyon.
Kini tungod sa gitakda nang pag-epekto sa election period sugod sa Enero 9 hangtod Hunyo 8 ning tuiga.
Gibutyag ni Ravelo nga himoon ang katiguman sa regional directors mismo sa Kampo Evangelista ning syudad.
Siya miingon nga human unya niini,gilayong mosunod ang mga probinsya nga mohimo usab sa ilang kaugalingong pagpatawag sa militar ug kapolisan aron hisgutan ang kasamtangang kahimtang sa matag-syudad o munisipyo nga hayan dunay init nga ribal sa politika sa 2022 elections.
