CAGAYAN DE ORO CITY – Misaka pa sa 14 ka positibong kaso sa COVID-19 ang natala sa Misamis Oriental.Kini human laing duha ka taga-lungsod sa Claveria nga pulos returning OFWs nga naggikan sa Saudi Arabia.
Miingon si Misamis Oriental Provincial Health Officer Dr Jerie Calingasan nga ang maong mga pasyente ang nakaabot sa kauluhan sa miaging semana diin gilayong gipaubos sa swab test.
Gibutyag ni Calingasan ang maong mga pasyente ang naka-house quarantine sa pasilidad sa ilang lungsod.
Una niini,duha usab local stranded individuals ang positibong kaso sa COVID-19 nga pulos residente sa Gingoog City ning lalawigan.
