CAGAYAN DE ORO CITY – Giyagyag sa ikatulong higayon ni Misamis Oriental 2nd District Cong. Bambi Emano ang mga nahimo niini isip kongresista sa katawhan sa distrito nga iyang gi-presentahan alang sa tuig 2024.
Kini aron mapadangat ni Emano kinsa chairman usab sa Mindanao Affairs Committee sa kamarabaha ang mga balaodnon nga iyang napasar,mga proyekto nga napatuman sa segundo distrito ug ang social services nga natunol ngadto sa mga residente nga nangayo’g tabang.
Gituki usab sa kongresista ang mga plano alang sa distrito dos ning tuiga.
Gihimo ang Congressional Report 3 ni Emano sa Tagoloan Dome, Tagoloan ning lalawigan karong buntag.
Tipik sa mga misaksi ang pamilya niini ingon man ang mga bisita ug mga kaalyado sa politika gikan dinhi sa Cagayan de Oro City ug Misamis Oriental.
