CAGAYAN DE ORO CITY – Gihulat na ni Provincial Gov Bambi Emano ang Astrazeneca vaccine rollout alang sa ilang healthcare workers nga nakabase sa walo ka provincial hospitals sa Misamis Oriental.
Kini human sila hatagi sa DoH-10 sa pipila ka doses nga moigo sa 1,737 ka hospital workers ilabina kadtong mga ospital nga nagdawat ug nag-atiman sa mga pasyente nga positibo sa COVID-19.
Namahayag si Emano nga unta ihatag na sa ahensiya ang sayo nga rollout schedule aron mapahiluna’g ensakto ang pagpahigayon niini.
Una nang gibutyag sa gobernador nga anaa lamang sa 80 porsyento sa katawhan sa lalawigan ang gusto magpatupok sa bakuna kon i-naug na padulong sa kabarangayan ang rollout.
