CAGAYAN DE ORO CITY-Prioridad ni duly ABC federation president Leonard Winstanley ang kampanya kontra illegal nga droga ug pagpalig-on sa kabarangayan sa 23 ka lungsod ug duha ka syudad sa Misamis Oriental.
Kini human naangkon ni Winstanley ang kadaugan sa ABC elections pinaagi sa pag-angkon sa 17 ka boto gikan sa 25 ka federation presidents sa lalawigan.
Miingon ang opisyal nga hangyo-on usab niini si Gob Bambi Emano nga dugangan ang 300-mil pesos nga alokasyon sa kada-brgy aron lapad pa ang mahatag nga serbisyo sa katawhan sa probinsya.
Nahimong sayon ang kadaugan ni Winstanley kay walay miatbang sa ilang grupo sa piliay sa pagka-ABC president nga gihimo sa Marco Hotel sa Brgy Cugman sa syudad kagahapong adlawa.
Samtang gitawag ni Gov Bambi Emano nga duguon ang nahitabong piliay sa Provincial Liga President sa Misamis Oriental.
Apan gipasabot ni Emano nga ang pagkaduguon, nagsumikad sa pag-inatbangay sa pagpapili sa ma-gparyente ug maghigala nga barangay kapitanes sa probinsya.
Miingon si Emano nga nasukod ang relasyon sa mga barangay kapitanes nga misalmot sa piliay hinungdan nga subling milugwa isip mananaug si Winstanley gikan sa Talisayan ning lalawigan.
Nagtoo si Emano nga nagpabilin ang pagsalig sa mga barangay kapitan sa probinsya kang Winstanley tungod sa mga nahimo niining mga kabag-uhan sa liga.
