CAGAYAN DE ORO CITY-Nasikop sa joint operation sa PDEA-10 ug NBI-10 ang ambulance driver sa municipal office sa Opol,Misamis Oriental.
Kini human gisilbi sa mga otoridad ang search warrant batok sa gikonsiderar nga high value target nga si Anselmo Pandran,hingkod ang panuigon ug empleyado sa munisipyo sa Opol ning lalawigan.
Miingon si PDEA MisOr team agent GM Gomez nga nasikop usab ang suspected shabu buyers ni Pandran nga si Virgilio Asonson,56 ug Allan Frabasion,53 anyos nga nagpuyo sa maong lugar.
Nakompiskar gikan sa mga suspek ang pipila ka sachets sa gitoohang shabu,marked money ug celphone.
Una niini,kusganong gihimakak ni Anselmo nga nalambigit kini sa pagpayuhot sa gidiling droga diin nanghagit pa nga gilayong ipaubos siya sa drugtest.
