CAGAYAN DE ORO CITY – Nakadawat sa pinakadakong pahat sa provincial budget ang Sports Equipment ug Logistic Support ubos sa programa sa Comprehensive Sports Development Program sa tibouk probinsya sa Misamis Oriental.
Nunot kini sa gilusad nga ika-8 nga School Board Executive Meeting sa Paglaum Hall, Provincial Capitol Compound.
Madawat sa Sports Equipment ug Logistic Support 585,000 pesos; laing P529,970 alang sa Training and Seminars for Child Development Center Workers ug P392,000 para sa Division Science and Technology Fair 2024.
Gitin-aw sa executive meeting nga pulos re-alignment budget ang ilang gigamit aron mapadagan ang dugang mga proyekto ug programa sa Provincial School Board.
Ang realigned budget nakalatid sa PAGLAUM Development Agenda ni Gov. Peter ‘Sr. Pedro’ Unabia nga nagmando sa Participatory Governance ug Aggressive Programs for Youth Welfare and Development.(Bombo Anne Quileste).
