CAGAYAN DE ORO CITY – Nagdason na sa ilang mga kandidatura ang mga kandidato sa provincial slate nga ubos sa alyansa sa Lakas- CMD-National Party-Padayon Pilipino-Paglaum sa Commission on Elections sa Misamis Oriental.
Kini alayon sa subli pagpapili nila ni Provincial Governor Peter Unabia; Vice Governor Jigjag Pelaez;1st District Congressman Christian Unabia ug 2nd District Congressman Bambi Emano ingon man ang board members alayon sa 2025 elections.
Nangulo sa paghandos sa ilang sertipiko de kandidatura si Unabia kinuyugan usab sa mga kandidato pagka-mayor sa duha ka component cities ug kalungsuran kaganihang buntag.
Namahayag ang maong incumbent officials nga unta dili lang sila ang suportaha’g balik sa katawhan apan ilabina ang bag-o nila nga mga kandidato pagka-board members inon man ang incumbent Sangguniang Panlalawigan officials.
Kabahin sa board member candidates gilakipan sa Rey Buhisan,Jabi Bernaldez,Rommel Maslog,Marlon Kho, Roy Aniscal (BBM KA) nga representasyon sa distrito uno.
Samtang ang gikan sa distrito dos ang gilangkuban nila ni Dexter Yasay, Syrmae Emano,Nancy Madjos,Bliss Francis Acain,Meraluna Abrogar (YEMA-A).
Nasayran usab sa Bombo Radyo nga mohimo’g paghandos sa ilang kandidatura ang mga kandidato sa National Unity Party pinanguluhan ni kanhi Misamis Oriental 2nd District Cong.Juliette Uy aron atbangan ang bando ni Unabia sa Comelec ugmang adlawa.
