CAGAYAN DE ORO CITY-Ikaayo alang sa seguridad sa Mindanao batok sa mga terorista ang gitas-an nga pagpatuman ni Pres Rodrigo Duterte sa martial law.
Pahayag kini Misamis Oriental Gov Bambi Emano isip pag-uyon sa lakang sa kongreso diin naghatag gahom kang Pres Duterte aron gukdon ang mga teroristang Maute-ISIS sa Marawi City.
Nakita ni Emano ang ka sensiro ni Duterte pagsulbad sa suliran hinungdan gipangayo niini ang dugang lugway sa martia law sa Mindanao.
Samtang gitahod ni Regional Peace and Order Council chairman City Mayor Oscar Moreno ang hukom sa mayoriya sa mga magbabalaod pagtugot kang Duterte sa extension sa Martial Law sa Mindanao.
Gibutyag ni Moreno nga paborabli usab ang martial law extension alang sa katawhan sa syudad ilabina nga duol lamang sa Marawi City.
Hinoon,giangkon ni Moreno nga epekto sa lakaw sa ekonomiya ang deklarasyon apan angay usab nga adunay pagsakripisyo niini sa gobierno.
