CAGAYAN DE ORO CITY – Gihulatan na lamang karon nga makompleto ang mga gikinahanglan nga dokumento aron hingpit nang mahatag ang midyear bonus sa anaa sa 3-mil ka empleyado sa Misamis Oriental Provincial Capitol.
Miingon si Sangguniang Panlalawigan board member Boboy Sabal nga sa panahon nga mohatag nag go signal ang administrator sa probinsya nga kompleto na ang mga dokumento, ila na kining iduso ngadto sa buhatan ni Gov. Bambi Emano.
Pinaagi niini, hayan nga dili magdugay mahatag na sa mga empleyado ang taud-taud na usab nga gihulatan nilang bonus.
Una nang nagpabati sa reklamo ang pipila ka empleyado sa kapitolyo kon nganong wala pa mahatag ang ilang gipaabot nga bunos.
Apan pagsabot ni Emano nga anaa ang salapi ug may gihulat lamang nga resulta sa gihimong performance evaluation sa mga empleyado ayha mahatag ngadto kanila.
