CAGAYAN DE ORO CITY – Naibtag tunok ang kapitolyo-probinsyal sa nakab-ot nga hukom ni kanhi Gov.Peter Unabia kabahin sa pagsulod sa memorandum of agreement sa pribadong health provider nga modumala unta sa walo ka provincial district hospitals sa Misamis Oriental.
Miingon si Misamis Oriental Provincial Legal Office head Atty Angel Lim nga mismo na si Unabia ang miputol sa maong kasabutan kay giingong wala nasunod ang mga anaa sa mga dokumento.
Dumduman nga personal nga gisusi ni Misamis Oriental Gov. Juliette Uy ang upat ka ospital sa unang distrito sa lalawigan diin nasayran ang sobra kalooy niini nga kahimtang.
Hisayrang misaad kaniadto si Uy nga usa sa iyang hataga’g prayoridad masulbad ang suliran sa panglawas sa katawhan rason pasiuna kining midalikyat sa pipila ka ospital sa distrito uno sa probinsya.
