CAGAYAN DE ORO CITY – Gilusad sa grupong Nagpakabanang taga-Northern Mindanao ang picket rally atubangan sa Phividec Industrial Authority sa lungsod sa Tagoloan,Misamis Oriental kagahapong adlawa.
Kini sumbay sa ilang kusganong pagsupak sa presensya sa tropang Amerikano nga mipahimutang sa nagkadaiya nga EDCA sites nga naglakip dinhi sa dakbayan.
Miingon si Tess Padla,usa sa mga aktibong sakop sa grupo nga maoy gi-ralihan nila ang tinguha nga pagtukod sa dakong naval base sulod sa economic zone sa maong lungsod.
Maoy kabalaka sa grupo nga moabot ang panahon nga direkta nang atakehon sa China ug Rusya ang Pilipinas tungod sa naghinobrang interes sa Estados Unidos.
Hisayrang sa miaging semana,mihimo’g anti-US ug anti-US bases congress ang maong grupo sa usa ka hotel sa dakbayan diin nanambong ang nagkadaiyang sector.
