CAGAYAN DE ORO CITY – Prioridad paliton sa provincial govt ang mga bakuna nga iya sa Astrazeneca-Oxford University alang sa katawhan sa Misamis Oriental.
Kini human nagkatigom ang liga sa mga gobernadores sa nasud diin gipangayuan usab sila sa ilang matabang sa national govt sa nationwide vaccination program batok COVID-19.
Gibutyag ni Provincial Gov Bambi Emano nga may inisyal na sila nga gigahin nga 110 milyones pesos nga pondo alang sa pagbakuna sa lalawigan.
Namahayag ang gobernador nga gihulat na lamang nila ang go-signal sa kauluhan kon kanus-a sila tugtan makapalit diin target ang 25 porsiento nga populasyon sa lalawigan bakunahan.
