CAGAYAN DE ORO CITY – Nakanumpa na ang mga midaug nga mga kandidato nga ubos sa bando sa Padayon Pilipino ug Paglaum alliance gikan sa duha ka component cities ug kalungsuran sa Misamis Oriental.
Kabahin sa mga mihurar sa ilang bag-ong mga mandato gikan sa katawhan sila re-elected Misamis Oriental Vice Gov. Jigjag Pelaez ingon man si Cong. Bambi Emano gikan sa distrito dos sa Xavier Estates & Country Club Grand Convention Hall,Upper Balulang ning syudad kaganihang buntag.
Mipahurar kanila ni Emano,Pelaez,mayores,bise-mayores ug mga konsehales ang mga respetado nga mga huwes ingon man mahistrado.
Taliwala nga wala bulugi sa ilang re-election sila Provincial Gov. Peter Unabia ingon man iyang anak nga si 1st District Cong. Christian Unabia ang anaa sa kalihukan sila man ang tipik sa mga haligi sa Padayon-Paglaum alliance sa milabay’ng May 12 elections.
Namahayag ang sila Emano ug Unabia nga taliwala sa ilang dili kumpleto nga kalampusan sa milabay’ng eleksyon,apan nagpasalamat sila sa kahitas-an nga daghan gihapon sa ilang city ingon man municipal candidates ang nangdaug batok sa mga kaatbang niini sa miaging piliay.
Sa wala mohurar ang elected officials ang gihalaran una sa santos nga misa ang kalihukan nga sinaksihan sa ilang mga pamilya ug mga sakop sa media ning syudad.
