CAGAYAN DE ORO CITY- Isaka na sa blue ngadto red alert ang seguridad sa kapolisan ug militar sa lalawigan sa Misamis Oriental sunod semana.
Kini alayon sa subli pagtamod sa katawhan sa pagbalaan sa mga adlaw sa semana santa.
Gibutyag ni PDRRMO Executive Director Fernando Dy Jr nga tinguha niini nga mahatagan sa igo nga seguridad ang mga deboto nga mobisita sa nagkadaiyang religious sites nga nahimutang sa lalawigan.
Si Dy miingon nga gipasiguro kanila ni Gov Bambi Emano nga walay matala nga deboto nga mabutang sa peligro atol sa maong kasauluhan.
Una usab niini,gibutyag ni CDRRMD officer Allan Porcadilla nga gipa-aktibo na usab ni City
Mayor Oscar Moreno ang incident management team o IMT diin gilangkuban sa mga ahensiya sa gobierno nga mohatag sa seguridad sa Malasag ug Our Lady of Guadalupe ning syudad.
