CAGAYAN DE ORO CITY – Nahuptan na sa provincial administrator’s office ang pipila ka impormasyon kabahin sa pagkasunog sa provincial health office nga mitala sa estimated structural damage nga 1.4 milyon pesos diha sa capitol grounds ning syudad sa miaging semana.
Kini human unang gimando usab ni Provincial Gov Bambi Emano ang kaugalingong pag-imbestigar kon unsay pinakarason nga nasunog ang PHO nga naglakip sa katupad nga Misamis Oriental Care System o MisOr Cares.
Gibutyag sa gobernador nga gihulat usab nila ang pagtibawas sa imbestigasyon sa Bureau of Fire Protection sa hitabo.
Gipondohan sa probinsya sa 51 milyon pesos ang pagtukod sa bag-ong PHO building sulod ning tuiga.Hisayrang kabahin sa nadaot sa sunog ang 30 ka bakuna sa Sinovac nga gitakdang itupok unta sa mga residente sa lalawigan.
