CAGAYAN DE ORO CITY-Gihulat na lamang ang resolusyon aron masang-at sa korte ang kasong kriminal batok sa election officer nga nasikop sa pagbaligya’g gidiling droga diha sa Brgy Iponan sa syudad.
Kini human napaubos na sa inquest proceedings ang suspek nga si Jose Mari Fernandez,40 anyos,minyo ug nagsilbing municipal election officer sa Gitagum,Misamis Oriental.
Miingon si PDEA agent Ben Calibre nga kabahin usab sa gikasuhan ang suspected shabu supplier ni Fernandez nga si Clint Pagapulaan,40 anyos nga nagpuyo sa Brgy Patag sa syudad.
Si Fernandez ang nasikop sa PDEA operatives sulod sa iyang pinuy-anan sa Brgy Iponan samtang si Pagapulaan sa Brgy Patag usab diin sila nakuhaa’g 10 gramos nga shabu nga may estimated market value nga gatus miel pesos.
