CAGAYAN DE ORO CITY – Mipaubos na sa trainings si Bb Pilipinas Ms Inter-continental Cindy Obeñita.
Kini alayon sa iyang preparasyon aron representahan ang Pilipinas sa maong indigay sa kaanyag nga himoon sa Sharm El Sheik, Egypt sa Oktubre 29 ning tuiga.
Miingon si Cindy nga kabahin sa iyang gi-ulian ning semanaha lamang mao ang pagsalamat sa suporta nga nakuha niini sa katawhan ug ang pagkuha sa pipila ka promotional video shoots nga magamit sa Ms Inter-Con sa maong nasud.
Siya miingon nga dili mawala sa tema sa iyang representasyon sa maong indigay ang kagikan sa syudad ug lalawigan apan sa mas lapad na nga konteksto.
Dugang niini, nakatutok usab iyang team sa pag-overcome sa pipila ka kakulangon ilabina sa evening gown ug swimsuit competitions aron makasulod sa top 20 o 15.
Una nang gipasalig usab ni Gov Bambi Emano nga gahinan sa igong pondo ang pag-apil ni Cindy sa ika-49th edition sa Ms Intern-Con kay nakasulod man kini sa programang turismo sa lalawigan.
Si Cindy ug laing pang ipadala nga mga kantidata ang kinahanglan una moagi sa pre-ug final pageant activities aron usa kanila ang makaangkon sa korona ni Hungarian Fanni Mikó nga gitakdang mabakante sa petsa 29 sa Oktubre 2021.
