CAGAYAN DE ORO CITY – Gusto ni incoming Gov. Juliette Uy nga mapun-an ang mga tinubdan sa kinitaan sa kapitolyo-probinsyal aron mapatuman ang mga programa ug mga serbisyo nga itunol niini sa katawhan sa lalawigan.
Miingon si Atty. Angel Lim,liason and communication incharge sa Uy transition team nga kini ang hataga’g katumanan sa umaabot gobernadora sa higayon makasugod sa pag-alagad sa katawhan sa probinsya.
Siya miingon nga dili mahimong undanon ang mga batakang-serbisyo ug mga programa sa kapitolyo kung kulangon usab ang mga pondo nga gamiton alang sa maong katuyuan.
Hisayrang nagka-inisyal na’g panagtagbo ang transition team ni incumbent Gov. Pedro Unabia ug Uy diin sila nagkauyon sa pipila ka gimbuhaton alang sa hapsay nga pagturn-over sa pagdumala sa kapitolyo.
