CAGAYAN DE ORO CITY- Dili pa mabiyahe padulong sa Davao Penal Colony o Dapecol ang magsoong Atty Michael ug Perforio Roa Jr nga unang nakonbikto sa kasong ilegal drugs sa korte ning syudad.
Gibutyag ni Misamis Oriental Provincial Jail Warden Dominador Tagarda nga hulaton pa nila nga moabot sa 20 ka konbiktado ayha nila e-biyahe kauban ang magsoong Roa sa DAPECOL.
Namahayag si Tagarda nga may gihatag pa nga 15 ka adlaw ang korte sa mga konbiktado ayha kini hingpit ibalhin sa Davao gikan sa provincial jail.
Ang magsoong Roa ang gikonbikto ni Regional Trial Court o RTC Branch 21 Presiding Judge Gil Bollozos tungod sa pagkakuha-i ug pagpositibo’g gamit sa shabu dihang naaresto sa PDEA-10 sa search operation sa ilang pinuy-anan sa Balingasag,Misamis Oriental niadtong Nobyembre 10, 2016.
