CAGAYAN DE ORO CITY – Balik na sa iyang posisyon isip Talisayan Mayor Rommel Maslog sa Misamis Oriental.
Kini human unang naghupas ang iyang temporary restraining order batok Ombudsman suspension apan nakakuha na usab sa writ of preliminary injunction o WPI gikan sa Court of Appeals o CA.
Miingon si Maslog nga gipaboran sa CA ang iyang hangyo kay nakit-an niini nga sobra ra ang gipahamtang nga silot sa Ombudsman batok kaniya.
Nagsumikad ang mando sa Ombudsman sa pagpamakak ni Maslog sa bank transaction kaniadto nga gigamit nga isyu sa iyang mga kontra sa politika.
Samtang walay kasakit apan kinasingkasing gidawat ni acting Talisayan Mayor Joseph Epoc ang mando sa Court of Appeals nga mabalik sa iyang katungdanan si Maslog.
Kini human igo ra usab gisunod ni Epoc ang proseso nga mi-take over kay nabakantae ang posisyon pagka-mayor tungod sa kaso ni Maslog.
Miingon ang bise-mayor nga may kopya usab siya sa bag-ong mando sa CA ug mobalik na kini sa iyang orihinal nga katungdanan sa ilang lungsod.
