CAGAYAN DE ORO CITY – Namiligro nga ipaubos sa Dept of Health o DoH-10 sa enhanced community quarantine o ECQ ang lungsod sa Balingasag,Misamis Oriental.
Kini kon mograbe pa ang kahimtang sa local transmission sa coronavirus disease sa maong lugar.
Miingon si DoH Director Dr Adriano Suba-an nga nakatala na sa 9 days case double time ang Balingasag nga nagkahulugan nga duol na kini sa mas grabe nga sitwasyon sa bayrus.
Una nang napun-an sa dugang pito ka kaso sa local transmission sa bayrus nga gilangkuban sa mga kabanay nga nagsumikad sa Brgy 6 sa maong lungsod ning semanaha lamang.
Samtang makigtagbo si Suba-an sa city officials sa Iligan City karong adlawa.
Kini aron han-ayon ang epektibong lakang aron pugngan ang pagsaka sa kaso sa local transmission sa bayrus sa maong syudad.
Giangkon ni Suba-an nga naalarma ang DoH sa 49 ka kaso sa local transmission sulod lamang ning bulana.
Mas taas pa kini sa 33 ka kaso sa local transmission nga dugay nang natala sa Cagayan de Oro.
