CAGAYAN DE ORO CITY – Naka-kustodiya na si Balingoan vice mayoralty candidate Richard Gepte sa Cagayan de Oro City Police Office o COCPO ning syudad.Kini human mitahan sa mga otoridad samtang unang nagpa-kustodiya sa mga madre sa usa monasteryo diha Carmelites,Brgy Camaman-an ning dakbayan.
Gibutyag ni COCPO spokesperson Maj Evan Viñas nga mismo si City Police Director Col Aaron Mandia ug PRO 10 regional director Brig Gen Benjamin Acorda ang midalikyat sa lokasyon ni Gepte aron isilbi ang warrant of arrest sa kasong pagpatay nga gipagawas ni RTC Branch 21 Presiding Judge Gil Bollozos.
Si Gepte ang gitudlo sa unang tulo ka dinakpan nga maoy mipapatay kang Maria Reyna Xavier University medical director Dr Raul Winston Andutan Jr sa miaging Disyembre diha sa Brgy Nazareth ning syudad.
Sa pagkakaron,pabiling at large na lamang si Reynaldo Tortusa kinsa giingong ‘middleman’ ni Gepte ug sa unang tulo ka detinado na diha sa Lumbia City Jail tungod sa maong kremin.
