CAGAYAN DE ORO CITY-Gikonsiderar sa Special Investigation Task Group o SITG nga politika ang motibo sa pagpusil-patay kang Danao Brgy Kap Alfredo Zapanta sa Jasaan,Misamis Oriental.
Kini bisan nga kulang pa ang ilang gihuptang ebedensiya nga magdugtong sa pagpatay kang Zapanta sa maong lungsod.
Miingon si Jasaan Police Station commander C/Insp Rogelio Labor nga subli magtigom ang SITG-Zapanta aron tukion ang kalambuan sa kaso sa MisOr PNP headquarters ning adlawa.
Gikompirmar usab ni Labor nga nagtanyag na sa reward money ang provincial ug municipal govt aron pagsulbad sa kremin.
Samtang gisupak sa pamilyang Zapanta ang panaghap ni Jasaan Mayor Julius Pagaspas nga dili politika apan personal nga atraso hinungdan gipusil-patay si Zapanta.
Miingon ang igsoon ni Kap Zapanta nga si Brgy 13 Kag Fresco Zapanta nga kumbinsido sila nga politika ang motibo kay wala sila’y nakit-ang personal nga gikabangi niini.
Hinoon,gisalig na lamang nila sa SITG-Zapanta ang dagan sa imbestigasyon ilabina nga may reward money nga gilugwa alang pagsulbad sa kaso.
Una nang namugos si Pagaspas nga layo ra ang politika aron basehan nga ipapatay si Zapanta bisan nga dako siya’g pagmahay niini tungod sa politika.
