CAGAYAN DE ORO CITY-Nangayo’g tabang ang pamilyang Zapanta sa task force nga gilangkuban sa PNP,NBI-10 ug provincial govt sa daling pagsulbad sa kamatayon ni Danao Brgy Kap Alfredo Zapanta sa Jasaan,Misamis Oriental.
Gihimo ni Brgy 13 Kag Fresco Zapanta ang apelar dungan sa pagtin-aw nga sayop ang gitoohan sa task force nga naglikay sila sa imbestigasyon aron masulbad ang maong kaso.
Miingon si Zapanta nga gipalikay una niya ang pamilya sa iyang igsoon kay wala pa gihapon mawala ang kahadlok nga gibati niini gumikan sa hitabo.
Si Zapanta ang gipusil-patay sa duha ka hired killers nga nakasakay motorsiklo mismo sa iyang pinuy-anan sa maong lugar niadtong Hunyo ning tuiga.
Samtang ituki sa Task Force ABC de Zapanta ang kalambuan sa imbestigasyon sa pagpusil-patay kang Zapanta ugmang adlawa.
Kini nunot sa laing katiguman sa mga imbestigador sa PNP ug NBI-10 nga nagtutok sa kaso.
Miingon si Jasaan Police Station commander C/Insp Rogelio Labor nga napakyas sila paghupot sa tin-aw nga footage sa mga suspek gikan sa CCTV ug bisan sa text messages sa celphone sa magtiayong Zapanta
.Kini ang hinungdan nga gitas-an pa sa balor 300-mil pesos ang reward money nga gitanyag sa task force ihatag sa mga tawo makatabang pagsulbad sa maong kaso.
