CAGAYAN DE ORO CITY – Subling gitay-og sa linog ang pipila ka lugar sa Misamis Oriental kaganinang kadlawon. Sa report sa Phivolcs, gitay-og sa 6.0 magnitude nga linog ang Bayabas, Surigao del Sur sa gilawmon nga 65 kilometros.
Nasinatian ang intensity 4 sa Bislig City; Cagwait ug Hinatuan, Surigao del Sur; Intensity III sa Surigao City, Bislig, Surigao del Sur; Gingoog City, Misamis Oriental; Intensity II sa Surigao City ug Cagayan de Oro City samtang Intensity I sa Kidapawan City, Malungon; Alabel, Sarangani; Palo, Leyte; Koronadal City; ug Tupi, South Cotabato.
Gilauman ang mga afterschock gumikan sa nasinatiang pagtay-og.
Una niini,natugaw gihapon ang katulugon sa katawhan sa lalawigan ug syudad tungod sa linog nga mihapak sa lungsod sa Manticao sa miaging kadlawon.
