Mipangayo og suporta sa City Council si Miss CDO 2025 1st Runner‑Up Melody Maglangit Lusterio alang sa iyang pag‑apil isip opisyal nga kandidata sa Miss Philippines Earth, nga magdala sa ngalan sa Cagayan de Oro City.
Matod ni Lusterio, dako ang iyang kasadya sa pagrepresentar sa espiritu, garbo ug kultura sa syudad ngadto sa nasyonal nga entablado.
Giingon niya nga naglaum siya sa tanang porma sa suporta gikan sa konseho ug sa katawhan aron mas mapalig‑on ang iyang kampanya.
Dugang pa niya, tumong niyang mapapasigarbo ang syudad pinaagi sa maayong representasyon ug dedikasyon sa kompetisyon.
