Opisyal nang gilangkat ang korona ni Rachel Gupta sa India, human kini mapakyas sa iyang obligasyon isip Miss Grand International 2024.
Mismo ang Miss Grand International (MGI) Organization ang miwagtang sa iyang titulo human siya milambigit sa daghang proyekto nga walay pagtugot sa organisasyon, ug pagsupak sa usa ka gikatakdang biyahe sa Guatemala.
Hinoon, natubag na ni Gupta ang maong isyu ug iyang gipost sa iyang social media account nga andam niyang ibalik ang korona sa MGI.
Maoy gikakurat sa iyang mga followers ang pagbutyag ni Gupta nga biktima siya sa “broken promises, mistreatment, ug toxic environment” nga iyang nasinati sulod sa organisasyo.
Gitubag usab sa MGI ang post ni Gupta ug namahayag nga dili na siya awtorisado sa paggamit sa titulo ug gikinahanglan nga ibalik ang korona sulod sa 30 dias.
Tungod sa pagkabakante sa titulo, gilauman nga si CJ Opiaza sa Pilipinas, kinsa first runner-up, ang mopuli kang Gupta. Kung kini mahitabo, si Opiaza mahimong unang Filipina nga makadaog sa Miss Grand International
