CAGAYAN DE ORO CITY – Pahinungdan sa ‘ceremonial interment’ ang mga biktima sa bagyong Sendong nga pabiling wala maila ug padayong missing nga himoon sa city memorial park sa Bolonsiri,Brgy Camaman-an ning syudad sa adlaw’ng Lunes.
Kini agi’g pagdumdom kanila nunot sa ika-11 ka tuig nga paglampurnas sa maong bagyo sa dakbayan niadtong petsa 16 sa Disyembre 2011.
Sa maong kalihukan,lauman nga panguluhan ni City Mayor Rolando ‘Klarex’ Uy ang kalihukan kuyog sa nagkadaiyang representasyon sa pagtoo.
Una nang gipahimutang ang pipila sa mga bukog sa mga biktima nga wala maila sa maong menteryo diin gihangyo nga mahatagan sa igong pag-atiman.
Kini aron sama sa kadaghanan nga kabahin sa namatay sa kalamidad nga gitunulan sa ensaktong pagpahimutang.
