CAGAYAN DE ORO CITY, Philippines – Gibana-bana nga kapin gatus na ka tawo ang patay sa misteryoso nga sakit sa Congo. Kini ang gikompirmar ni Congo’s Health Minister Roger Kamba human mitala sa 79 katawo ang patay sa bulan sa Disyembre.
Unang namahayag si Kamba nga nadiskobrehan ang pagkuynap sa misteryoso nga sakit niadto Nobyembre ug paspas nga mipakatag sa impormasyon sa katawhan sa southern Kwango province.
Sa maong ihap 27 ka pasyente ang namatay sa hospital ug 44 ang namatay sa ilang komunidad.
Nanawagan ang mga otoridad sa apektadong probinsya nga likayan ang paglatagaw o makig closed contact sa mga tawong dunay sintomas sama sa taas ug balik balik nga hilanat, sakit sa ulo, paglisud sa ginhawa o ubang pang respiratory problems, grabeng ubo ug anemia.
Nakapadala na sa samples ang mga doktor sa Congo sa specimen sa mga tawong natakbuyan sa misteryoso ug mananakod nga sakit.
Una niini, dili ma rule out sa medical expert sa Congo kung COVID-19 ang nasampit nga sakit ilabe na nga kasagaran sa mga pasyente namatay tungod sa taas ug grabe nga hilanat ug segunda lamang ang sakit gikan sa respiratory track.
Gawas sa misteryosong sakit, nagsagubang pa gihapon ang maong nasud sa pagkuyabap sa monkey pox kundiin kapin libo na ang namatay ug kapin 47,000 ang padayong gitambalan sulod sa hospital.
Tungod sa pagtumaw sa bag-ong sakit sa CONGO, gipaubos ang apektadong probinsya sa General Alert.
