CAGAYAN DE ORO CITY, Philippines – Milampus si Israeli Prime Minister Benjamin Netanyahu sa iyang misyon sa pagbisita sa kongreso sa Estadus Unidos.
Init nga gidawat sa mga magbabalaod sa upper ug lower house ang primo ministro kuyog ang iyang delegado nga gilangkoban sa iyang military, state advisers, iyang kapikas, ug pipila ka mga hostages nga ilang nabawi gikan sa kamot sa Hamas Militants, didto sa Gaza.
Sa iyang speech, gipamatud-an ni Netanyahu ang report nga nagpabiling kusgan ang ilang puwersa pinaagi sa tabang sa Estadus Unidos, taliwala sa dili sinsero nga gipatumang ceasefire sa Hamas Militants sa Gaza.
Gipamugos sa primo ministro nga ang ilang pagkig-giyera sa Hamas, pakig-giyera usab sa Iran.
Gipalanog ni Netanyahu nga ang puwersa sa kagamhanang Iran ang nagpalihok sa Hezbollah sa Lebanon, ug Houthi Rebels sa Yemen aron lumpagon ang nasud sa Israel.
Sa wala pa sugdi ni Netanyahu ang pag-atubang sa US Congress, nakigpulong una kini sa duha ka lider sa balaybalauranan nga sila Chairman of the House Mike Johnson, ug Senate majority leader Chuck Shumer.
