CAGAYAN DE ORO CITY – Mitahan ang usa ka miembro sa Dawlah Islamisah ug Maute Fighter sa 82nd Infantry Battalion didto sa Brgy. 2 Bubong Madanding, Marantao, Lanao del Sur.
Kini ang gikompirmar ni AFP Western Mindanao Command spokesperson Army Major Arvin Encinas sa Bombo Radyo.
Namahayag si Encinas nga nag dala sa 45 kalibre nga pistola ug usa ka shutgun ang terorista nga misurrender kagahapon sa hapon.
Giila ni Encinas ang mitahan nga terorista nga si Abu Anas, molopyo sa maong dapit.
Masaligon ang WestMinCom nga musaka pa ang ihap sa mga local terrorist group tungod sa agresibong combat operation nga gipahigayon sa militar sa lasang nga bahin sa Lanao del Sur.
