Nagmalinawon ang lalawigan sa Misamis Oriental Oriental sa naglabay nga Huwebes ug Biyernes Santa.
Subay kini sa security assessment sa Misamis Oriental Police Provincial Office (MORPPO).
Gibutyag ni MORPPO Spokesperson Police Captain Geraldine Botanas nga wala silay natala nga mga dagkung insidente ilabe na nga “in-placed” ang ilang mga gi-augment nga mga kapulisan gikan sa mga dagkung religious ug pilgrimage sites sa lalawigan.
Labing daghan ang nadeploy sa Divine Mercy Shrine sa El Salvador City.
Gibutangan gihapon sa kapulisan ang Archdiocesan Shrine of Our Lady of Lourdes sa Poblaccion Binuangan nga sagad bisitahan sa mga gapamalandong ug visita iglesia.
Adunay usab augmentation force sa Immaculate Conception Parish Church sa Upper Jasaan.
Daghan usab deboto ang mibisita sa Milagrosang Birhen sa Moog sa Laguindingan.
Wala pay gihatag nga numero ang kapulisan kung pila ang katawo ang mibisita sa mga nanganlan nga religious sites.
