Gibisita ni Presidente Ferdinand Marcos Jr ang Davao Oriental aron personal nga mosusi sa kahimtang sa mga biktima sa linog ug sa kadaot nga nahitabo sa mga eskwelahan, ospital ug mga imprastraktura nga iya sa gobyerno.
Direktiba sa presidente ang paspas nga pagtunol sa hinabang ilabina sa mga wala nay balay nga mabalikan kay midamyos sa tumang pagkaguba, lakip na sa mga namatyan.
Namahayag ang presidente nga anaa sa 158.3 milyon pesos nga ayuda ang itunol alang sa relief ug rehabilitation efforts, lakip na ang renobasyon sa mga estruktura nga nadaut.
Una niini, inay tents, modular box houses ang laraw ipatukod ni Marcos tungod sa iyang nakuha nga reklamo sa Cebu City nga labihan ka init ang mga tents alang sa mga internally displaced nga mga biktima.
Nangayo’g kooperasyon ang presidente sa katawhan sa Davao aron paspas ang pagbangon sa mga naapektuhan.
