Dili babag ang taas nga heat index sa dakbayan aron mohunong ang pagtuon sa mga estudyante taliwala sa duha ka adlaw nga suspension sa pisikal nga klase sa syudad.
Gipahayag ni DepEd CDO Disaster Head Ryan Blanco nga nagpabilin ang mga alternatibong pamaagi sama sa modular ug online nga lessons aron dili mabalda ang kaalam sa mga bata.
Pinaagi sa iyang interbyu sa Bombo Radyo, gipasabot sa opisyal nga nakabase ang maong pamaagi sa DepEd Order Number 37 Series of 2022 nga nagmando nga ang pagpahunong sa klase sa sulod sa tunghaan dili sab sabton nga sirado ang operasyon sa pagtulun-an.
Gumikan niini, gipahibalo sa maong buhatan nga sakop sa maong adjustment ang tanang ang-ang sa pagtungha gikan sa elementarya hangtod na sa sekondarya sa tibuok syudad.
