CAGAYAN DE ORO CITY – Nangharos sa mga nasakmit nga premyong cash ug mga tropeyo ang drum and buggle corps sa Misamis Oriental General Comprehensive High School/MOGCHS sa gilusad nga Higalaay Civic Military Parade and Float Competition nga nagsugod sa Rodelsa Circle padulong sa Limketkai Grounds sa syudad ning adlawa.
Kini human nakuha sa MOGCHS ang unang puwesto sa best marching band sa parada diin sila modawat sa premyong 100-mil pesos ug tropeyo.
Nasakmit usab sa maong pinadako ug pinakaunang hayskul sa Misamis Oriental ug Cagayan de Oro ang best in costume nga adunay 10-mil pesos cash ug laing tropeyo nga premyo.
Back to back best winners usab ang band marjorette ug band major rason nga tunulan sila sa tag-5 mil pesos nga salapi ingon tropeyo.
Samtang nakuha usab sa Liceo de Cagayan University ang pagsilbing 2nd placer diin sila makadawat sa 75-mil pesos ug tropeyo.
Nagsilbing 3rd placer winner ang Bulua National High School diin sila modawat sa 50-mil pesos cash ug tropeyo.
Sa pikas bahin, alang usab sa float competition nakuha sa contingent sa Brgy Carmen ang unang puwesto nga dunay premyong 500-mil pesos ug tropeyo ingon man balor 50-mil pesos nga produkto sa Pocari Sweat.
Dawaton usab sa contingent sa Brgy Lumbia ang 300-mil pesos cash ug tropeyo isip ikaduhang puwesto.
Kantidad 200-mil pesos ug tropeyo ang alang usab sa competing float gikan sa Intergrated Cooperative isip 3rd prize winner.
Dumduman nga tipik kini sa pinakadako nga kalihukan sa alayon sa kapistahan ni Senior San Agustin diin pipila ka oras nga gipatuman ang signal jamming kaganihang buntag.
Anaa sa 192 ka participating contingents ang miduyog sa parada sa syudad ning tuiga.
Hisayrang naggahin ang city govt sa 20 milyones pesos nga pondo sa kalihukan ug laing 8 milyones gikan usab sa ubang sponsors alang sa kalampusan sa kapistahan sa dakbayan.(CdeO-LGU CIO photos).
