CACAYAN DE ORO CITY – Limitahan na sa Misamis Oriental General Comprehensive High School (MOGHS) ang pagpasulod sa mga bisita ug kusganong babagan ang outsiders nga tuyo lang mohimo’g kasamok sa ilang mga tinun-an.
Panganti kini ni MOGHS Principal IV Melende Catid nunot sa pagka-dakpi sa upat senior high school students nga naghithit marijuana sulod sa classroom.
Miingon si Catid nga nakurat sila pag-ayo sa maong hitabo rason nga mohimo sila’g dinaliang aksyon kabahin niini.
Siya miingon nga posibleng gikan sa gawas ang gigamit nga marijuana sa maong mga tinun-an diin sila naaktuhan naghithit.
Tungod sa hitabo,gilayong gikustodiya ang maong mga tinun-an ug hayan mag-atubang sa pagsupak sa Comprehensive Dangerous Drugs Act of 2002 diin sila nabawian sa mga pinauga nga dahoon sa marijuana nga gisulod sa garapon.
Hisayrang ang duha sa mga suspek nag-edad 17 samtang 19 ang usab ug laing 21 anyos nga pulos detinado sa Cogon Police Station.
