CAGAYAN DE ORO CITY-Gihuptan sa silent drill team sa Misamis Oriental Institute of Science and Technology (MOIST)-Balingasag ang back-to-back champion title sa Iligan City.
Kini human giila gihapon nga kampeon ang MOIST silent drill sa ika-28 nga ka tuig nga kompetisyon ilabina sa college category nga gipasiugdahan sa gobyernong lokal sa Iligan City alayon sa kapistahan sa ilang patron Sr San Miguel Arkanghel sa Setyembre 28 ning tuiga.
Gibutyag ni retired Police Capt Edwin Ipan nga gitahasan sa MOIST pagbansay sa ilang silent drill nga gikalipay nila ang pagbaton gihapon niini nga titulo bisan sa pag-apil sa lig-ong mga silent drill team gikan sa ubang bahin sa rehiyon.
Nakuha kuha sa 97.67 percent nga performance score ang MOIST hinungdan gipildi niini ang laing upat ka tunghaan nga miapil sa maong kompetisyon ning tuiga.
Nagsilbing 1st runner up ang Lyceum of Iligan Institute sa ilang 96.43 percent rating samtang 2nd runner up usab ang Southern Philippines College sa ilang 94.47 porsyento.
Gawas niini,miapil usab ang lima ka tunghaan sa sekondarya diin mi-kampeon ang Our Lady of Perpetual Help Academy.
Napili usab nga most popular contingent ang MOIST sa college category samtang ang OLPHA ang gikan sa sekondarya.
