CAGAYAN DE ORO CITY – Magsira na ang piggery facility sa kompanyang Monterey nga nagkatag sa nagkadaiyang bahin sa nasud partikular usab sa ilang buhatan sa Bukidnon.
Kini human unang giangkon ni San Miguel Foods Incorporated regional operations manager Christopher Pangga ang apektado sila sa outbreak sa African Swine Fever sa Luzon ug pandemya sa COVID-19.
Gibutyag ni Hansel Echevaz,information officer sa Bukidnon Provincial Capitol nga gitakdang magtigom ang mga opisyal ning semanaha aron hisgutan ang mahimong kapalaran sa mga empleyado nga mawad-an sa trabaho tungod sa pag-shutdown sa maong pasilidad sugod Marso 31 ning tuiga.
Samtang gipangandaman na sa Misamis Oriental ang mahatag nga epekto sa pagsira sa pasilidad sa kompanyang Montery nga usa sa mga tinubdan sa karneng baboy dinhi sa Northern Mindanao.
Gibutyag ni Misamis Oriental Provincial Veterinary Office head Dr Benjie Resma nga may koordinasyon na sila sa Dept of Agriculture ug sa hugbong sa mga hog raiser alang niini.
Nagsaka a pa ang presyo sa farm gate sa mga baboy epekto sa ASF outbreak didto sa Luzon.
Dugtong niini,gihulat ni Dept of Agriculture 10 Director Carlene Collado ang resulta sa subli pagtagbo sa Sangguniang Panlalawigan ug kadagkuan sa San Miguel sa ilang sesyon sa Bukidnon ugmang adlawa.
Kini human unang miabiso si San Miguel Foods regiona operations manager Christopher Pangga nga sirad-an na nila ang Monterey piggeries nga nakabase sa maong probinsya.
Miingon si Collado nga lauman nga may himoong mga lakang ang ahensiya ngadto sa mga maapektuhan sa pagtak-op sa pasilidad sa maong kompanya.
Gitakda usab motambong sa SP session si Gov Jose Maria Zubiri aron gilayong han-ayon ang matunol nga ayuda sa maapekuthang mga trabahante.
Una niini,nangundang na ang ubay-ubay’ng backyard hog raisers sa pagbuhi’g mga baboy dinhi sa rehiyon.
Kini tungod sa inotil nga pagsumpo sa gobierno sa miigo nga African Swine Fever o ASF outbreak nga hinungdan sa pagsaka sa presyo mga karneng baboy sa nasud.
Gibutyag ni NorMinHog Association Pres Leon Tan Jr nga maglisod na sa pag-surive ang mga negosyante epekto usab sa pandemya sa COVID-19.
Subli,miapelar si Tan nga likayan sa backyard hog raisers nga pakan-on sa pasaw ang ilang mga nabiling mga baboy aron dili matakbuyan sa ASF.
