CAGAYAN DE ORO CITY – Pakasuhan ni Provincial Jail Warden retired Police Col Robert Roy Bahian sa kriminal ang pipila ka piniriso ingon man administrative cases ang mapatud-an nga jail guards nga utok sa panag-konsabo aron makasulod ang mga kontrabando sa Misamis Oriental Provincial Jail.
Kini human nakompiskar sa taga-PDEA 10 ug taga- COCPO ang illegal drug paraphernalia,usa ka sako nga klase-klaseng celphones,flat screen televisions ingon man hait nga mga hinagiban.
Gibutyag ni Bahian nga tahasan niya ang ilang investigation section aron sutaon kon kinsa ang jail guards nga nakig-konsabo sa pipila ka piniriso aron makasulod ang mga kontrabando sa maong bilangguan.
Una nang gimando ni Provincial Gov Bambi Emano nga walay palabyan kon kinsa kadtong makit-ang sad-an nunot sa mga pagpalusot sa mga kontrabando sulod sa bilangguan sa probinsya.
