CAGAYAN DE ORO CITY – Wala na kinahanglana ang pagtugot sa naglangkob sa liga sa mga kapitanes aron panguluhan na sila ni Gusa Brgy Kapitan Marlo Tabac.
Kini ang gipdayag nga opinyong-legal ni Atty. Dale Bryan Morderno kinsa abogado ni Tabac batok sa mani-obra nga binuhatan sa grupo ni incoming City Councilor Alam Lim nga nagsilbing federation president sa ABC-CdeO chapter.
Namahayag si Mordeno nga BY OPERATION OF LAW, si Tabac ang lehitimo nga molingkod sa higayon nga mabakante ang posisyon sa pagka-presidente.
Dumduman nga kalit nga gimugnaan sa nagpungasi nga mga isyu si Tabac aron basehan sa petisyon nga mabakante ang pagka-bise president kay daw 64 sa kapitanes nawad-an na sa pagsalig ug kumpiyansa kaniya.
