CAGAYAN DE ORO CITY – Apil ang boxing enthuasiast nga si kanhi City Mayor Oscar Moreno nga dismayado sa kontrobersyal nga kaparutan sa boksing ni Paris Olympics boxer Carlo Paalam sa miaging Sabado sa kagabii.
Kini human klaro ang pag-dominar ni Carlo sa tanang rounds batok sa Australian boxer Charlie Senior sa ilang quarterfinals fight apan lahi ang gipadaug sa mga hurado.
Namahayag si Moreno kinsa maoy mimanso ug mipalambo sa abilidad ni Carlo pinaagi sa sports program niini sa Misamis Oriental ug Cagayan de Oro City nga sakit alang kaniya nga makita nga nahikawan sa kadaugan ang Pilipinas kay napaingon sa Ostrilyanong boksidor.
Apan bisan niini, gidasig sa kanhi gobernador ug kanhi mayor nga si Moreno si Carlo nga mag-relaks una aron makahulay sa taas nga sakripisyo aron lang makaabot sa Olympics.
Gani,miagi sa daghang injuries si Carlo makaabot lang sa Olympics sa Paris.
Hinoon,masaligon nga temporayo lang ang kapildihan ug hulipan kini sa mas ganado ug sangkap pa sa kaandam nga Carlo Paalam ang lauman sa sunod nga Olympics sa Estados Unidos sa tuig 2028.
Hisayrang sa 2020 Olympics sa Japan,nahatag ni Carlo ang silver medal alang sa Pilipinas nga gikalipay pag-ayo sa sa katawhan ilabina dinhi sa Northern Mindanao region.
